Berita

Assalamu’alaikum Warohmatullohi Wabarokaatuh

Sampurasun....

Girang pangajén hormateun simkuring, bapak kalih ibu guru pangaping hormateun simkuring, ogé para pamilon pasanggiri biantara anu kusimkuring dipikareues.

Sateuacana, hayu urang panjatkeun puji sinareng  syukur ka Gusti nu Maha Gopur, anu tos masihan kasehatan ka urang sdayana, sangkan urang tiasa patepung lawung paamprok jonghok dina tempat ieu. Teu hilap sholawat sinareng salam mugi-nugi salamina neras ngocor ngagolontor ka jungjunan urang sadayana Kanjeng Nabi Muhammad SAW, ka kulawargana, para shohabatna, tabiin tabiatna, sareng mugi-mugi tepi ka urang salaku umatna anu istiqomah di jalanna. Amin YRA… .  

Hadirin anu ku simkuring dipihormat,

Hatur nuhun kasadayana anu tos ngaluangkeun waktos dina kasempetan ieu. Dina dangeut ieu simkuring bade ngajak kasadayana anu aya di ieu tempat kanggo nginget-nginger perkawis sakumaha pentingna urang ngagaduhan cita-cita atawa impian.

Hadirin anu dipihormat,

Sadayana anu aya di ieu tempat pasti ngagaduhan cita-cita. Ngagaduhan cita-cita teh penting kanggo urang sadayna sangkan urang sumanget dina ngajalanken kahirupan. Naon atuh citacita teh? Nyaeta tujuan hirup urang sadayana, lamun urang teu ngagaduhan cita-cita urang engke bakal mogok di tengah jalan. Urang bakal bingung sabab urang teu boga tujuan tina hirup.

Jadi urang teh kedah ngagantungkeun cita-cita urang sajangkung langit sangkan urang getol diajar kanggo ngahontal cita-cita. Sareng urang salaku pelajar oge pasti terang kumaha carana sangkan urang tiasa ngahontal cita-cita urang, nyaeta kucara diajar sing getol.

Hadirin anu dipihormat,

Ngahontal cita-cita teh teu hese lamun urang saenya-enya diajarna di sakola sareng urang ulah kajerat ku pergaulan anu salah. Lamun saenyana ngahontal cita-cita teh hese, tapi da lamun di tedunanmah pasti bakal kacumponan eta cita-cita urang. Apan aya paribasa anu ngagambarken nyaeta: “cikaracak ninggang batu, laun-laun jadi legok, mun sakola suhud estu, kapinteran moal kagok”. Eta ngagambarken sakumaha hesena oge urang ngahontal cita-cita, tapi lamun dileukeunan saeutik-saeutik ti ayeuna pasti cita-cita eta teh bakal katedunan ku urang sadayana. 

Hadirin anu ku simkuring dipihormat,

Di jaman moderen ieu urang kudu pinter-pinter ngagunaken tehnologi seperti: HP, leptop, jeung sajabana sangkan leuwih gampang kanggo ngahontal cita-cita urang sadayana. Sabab tehnologi tiasa masihan kagampangan ka urang sadayana dina milarian elmu pangaweruh sepertos internet.

Sabab kukituna urang ulah asa-asa kanggo ngagaduhan cita-cita anu luhur. Urang kudu percanten ka diri pribadi yen urang teh tiasa ngahontal eta cita-cita.

Rupina sakitu wae nu tiasa kapihatur mugi-mugi sing aya mangpaatna kanggo urang sadayana.

Tutus langkung tepang halang, nutus tepus henteu lurus, melak jamarak teu rata, ayakan lepat kepangna. Hapunten ka sadayana.

Wassalamu’alaikum Warohmatullohi Wabarokaatuh

Kenging : Lia Yulianti, S.Pd.